وردة الصعيد الجميلة، بطلتنا سارة،من بنى سويف، عمرها 7 سنوات، تتحدى سرطان فى جذع المخ،وتدخل مرحلة المتابعة.
دخلت بطلتنا مستشفى 57357 فى بداية عام 2020، وتم تشخيصها بالإصابة بورم فى جذع المخ أثرعلى البصر والحركة، وفور دخولها تمإجراء عملية “سحب المياه من المخ “، استعادت بعدها بطلتنا بصرها تدريجيًا، ثم بدأت فى العلاج الكيماوى، وتلقت 51 جرعة كيماوى و 33 جلسة إشعاع، وتحسنت حالتها واستعادت سارة الجميلة حركتها الطبيعية، وأنهت رحلة علاجها مع بداية عام 2023، ثم بدأت مرحلة المتابعة حتى الآن.
يقول والد سارة: “إحنا من الصعيد، وعرفت المستشفى من ناس كان ابنهم فى 57357 إتعالج وربنا شفاه، الحمدلله، هما اللى قالوا لى روح بسارة على هناك على طول هما اللى هايعالجوها أحسن علاج،ولما جيت ودخلت بسارة فى57357 وعملوا لها عملية “سحب المياه من على المخ”، وبدأت بعدها تسترجع نظرها،حسيت بالطمأنينة، المستشفى كانت سببًا فى علاج أطفال كتير ومنهم بنتى، وخففت آلام كتير مش بس الأطفال المرضى، ولكن الآباء والأمهات كمان علشان كنا بنشوف ولادنا بتتألم قدامنا، ودلوقتى الحمدلله بنشوفهم بيخفوا وبيرجعوا زى الأول، بادعى لكل الدكاترة وكل اللى بيشتغلوا فى المستشفى ربنا يكرمهم، ولكل واحد إتبرع علشان ولادنا تتعالج أحسن علاج، ومن غير ما ندفع ولا مليم”.
وبالحديث مع سارة الجميلة، قالت:”أنا بحب 57357 قوى، وعندى أصحاب كتير، وبحب أروح الورشة ألعب وأرسم ونفسى لما أكبر أطلع دكتورة أطفال، وأعالج كل الأطفال من غير فلوس زى ما عالجونى فى 57357″.
والجدير بالذكر أن أورام المخ عند الأطفال هى ثانى أكثر الأورام الخبيثة انتشارًا فى مرحلة الطفولة بعد اللوكيميا، حيث تمثل ما يقرب من ٪20 من جميع الأورام، ويحرص مستشفى 57357 على توفير أحدث الأجهزة، وتطبيق أحدث التقنيات التى تجعل العلاج أكثر دقة وفاعلية، تبرعك هايوفر لسارة وأطفال كتير من مرضى سرطان المخ بـ57357 أفضل علاج ورعاية وأمل كبير فى الشفاء.