لمعرفة المزيد عن عيادة 57357 Covid-19
اضغط هنا

عبد الرحمن بطل من 57357 يتحدى السرطان ويحتفل بأخر جرعة كيماوى

    أطفالنا فى 57357 أبطال أحلامهم كبيرة، ورغم الألم بيعافروا علشان تتحقق.
    عبد الرحمن بطلنا من القاهرة، عنده 12 سنة ونصف، دخل 57357 فى أغسطس 2021 فاقد الحركة والإحساس فى النصف الأسفل من جسمه.

أطفالنا فى 57357 أبطال أحلامهم كبيرة، ورغم الألم بيعافروا علشان تتحقق.

عبد الرحمن بطلنا من القاهرة، عنده 12 سنة ونصف، دخل 57357 فى أغسطس 2021 فاقد الحركة والإحساس فى النصف الأسفل من جسمه، وتم تشخيصه بالإصابة بورم على العمود الفقرى، وتم عمل عملية لاستئصال الورم، وبدأ بعدها عبد الرحمن جرعات الكيماوى لمدة 28 أسبوعًا، وبالتزامن معها حصل على 32 جرعة إشعاعى، وحاليًا عبد الرحمن فى انتظار آخر جرعة كيماوى فى الأيام القليلة القادمة.

والدة عبد الرحمن: “شفت رحمة ربنا ولطفه بابنى فى 57357، عبد الرحمنكان فاقدًا للإحساس والحركة فى نصفه الأسفل، وكانت نفسيته سيئة للغاية، ولما دخلنا 57357، فوجئت أن الرعاية مش بس رعاية صحية، لكن تم عمل متابعة لحالته النفسية، وساعدوه يقضى على خوفه ورفضه للعلاج، وعمل العملية وبدأ علاجه الكيماوى والإشعاعى، وبدأ الإحساس يرجع لنصفه الأسفل، والأمل بقى أكبر فى إن العلاج الطبيعى يساعده أنه يرجع يحرك رجليه من تانى،باقول لكل اللى بيتبرعوا للمستشفى، إنه مهما كان تبرعكم بسيط، لكنه بيفرق كتير جدًا فى حياة ولادنا، واللى بيتعمل لأطفالنا فى 57357 أكثر بكتير ممايتخيله أحد، لأنهم بياخدوا رعاية وعلاج نفسى وجسدى بأعلى مستوى”.

عبد الرحمن: “بحب المستشفى،والورشة، وكروان صاحبى، وبافرح قوى لما باروح الورشة وأرسم، أنا أول لما دخلت 57357 كنت خايف ،لكن لقيتهم بيطمنونى، ومهتمين وبيخافوا عليا، نفسى ربنا يشفينى، ولما أكبر أطلع مهندس برمجيات، وأملى كبير إنى أتحسن أكتر وأكتر ادعولى”.

بطلنا عبد الرحمن، بيكمل مشوار علاجه،وفى انتظار نتائح تحاليل المتابعة،دعواتنا جميعًا لك بالشفاء التام لك يا بطل، وترجع أحسن من الأول إنت وكل أبطال 57357 .

أطفالنا أبطال، وبدعمكم بينجحوا فى معركتهم ضد السرطان.. خليكم سند لولادنا.