فى يوم العيد، أطفال كتير بيحلموا باللبس الجديد، واللعبة الحلوة،
والعيدية الكبيرة، لكن فيه أطفال تانيين، بيحلموا بس بالشفا.
عايزين نفتكر أطفال 57357، وندعمهم بكل اللى نقدر عليه
دعمك لهم هو اللى هيساعدنا نُوفر لهم تكاليف الأدوية
والعلاج الكيميائى والإشعاعى، والجراحى،
وهيساعدنا نطور الأجهزة والمعامل، ونحافظ على صيانتها الدورية.
دعمك لولادنا، هيساعدنا نحافظ على نظم مكافحة العدوى،
ونطور المغسلة اللى بتحافظ على سلامة أطفالنا من العدوى،
وتضمن لهم بيئة صحية آمنة،
ونُجدد مفرمة النفايات اللى بتحمى أطفالنا والعاملين والمجتمع من أى مخاطر بيئية، ونزود قدرة محطة
الكهرباء علشان نحافظ على الأجهزة والتشغيل.
السنة اللى فاتت عملنا 82 عملية زرع نخاع، لكن دعمك لنا، هيساعدنا نزود عدد عمليات زرع النخاع،
علشان ننقذ أطفال أكتر، وهيساعدنا نهتم بالتدريب والتعليم،
ونزود عدد الأبحاث العلمية اللى
وصلت84 بحث السنة اللى فاتت، لأن البحث العلمى هو اللى هياخد بإيدينا علشان نقضى على السرطان.
بنشكرك من قلوبنا على وقفتك ومساندتك، وعايزينك دايمًا شريك معانا فى الخير،
لأن كل جنيه بتتبرع بيه، هيكون سبب فى خير كتير لولادنا.
قال رسول الله صلى الله عليه وسلم:
“من كان فى حاجة أخيه كان الله فى حاجته،
ومن فرج عن مسلم كربة فرج الله عنه بها كربة من كرب يوم القيامة”.