“أنا اسمى آسر، من الإسكندرية، باحب ألعب وأمثل، 57357 هى اللى خففتنى، وأنا باحب 57357، وباحب الدكاترة والتمريض وكل حاجة فيها”
فاكرين آسر، الطفل الجميل الِلمِض، بطل إعلان السنة اللى فاتت.
آسر كان عنده لوكيميا، دخل المستشفى وعمره 4 سنين، واتعالج 3 سنين كاملة بجرعات كيماوى مكثفة.
آسر الحمد لله السنة دى خف خالص، وخلال الشهور اللى فاتت، خلص الجرعات الأخيرة، واتكتب له الشفا، ورجع لمدرسته وأصحابه وألعابه وشقاوته ولَماضته.
وهو دلوقتى من أوائل فصله، وبيستعد لامتحانات آخر السنة.
آسر بيحب يفكر كتير، وبيحب ينصح أصحابه، ودايمًا بيقول لهم: “لو مش هنحمد ربنا على المرض، ربنا هيزعل مننا جدًا، أنا دايمًا باحمد ربنا، وباتعود على كل حاجة بتحصل لى، حتى الكانيولا والحقن، مبقتش أخاف منهم والحمد لله، الوجع راح، وخفيت خلاص”.
لينك اعلان آسر رمضان 2022