فى وحدة الرعاية المركزة،
كل الأطفال حالتهم خطيرة..
والطفل بيتحجز من غير أهله..
لكن الدكاترة والتمريض بيكونوا أكتر من أهله..
والدة عثمان تقول:
عثمان عمره 8 سنين،المرض هاجمه فى أول سنة من عمره،
وارتد عليه 3 مرات ،
ابنى عاش فى المستشفى أكتر ما عاش فى بيته،
واتحجز كتير فى الرعاية المركزة، بسبب شدة المرض ومضاعفات العلاج،
لكن حتى وهو فى الرعاية ، كنت بابقى مطمئنة عليه،
لأنى شايفة الرعاية كاملة، واللحظة لها قيمة، والاهتمام مش عادى، والأجهزة على أعلى مستوى.
عثمان استأصل الكليتين ، وبيغسل من 6 شهور، وأنا ووالده بنعمل تحاليل توافق علشان ننقل له كلية،
وبادعى ربنا ، أكون أنا المناسبة ، وأنقل له كليتى، علشان يخف ويعيش حياته زى باقى الأطفال.