كيرلس بطل يتحدى السرطان..والدة كيرلس : فى 57357..شفنا علاج على اعلى مستوى ، واهتمام فوق الوصف

    بطلنا كيرلس، عنده 11 سنة، من سمالوط،محافظة المنيا، دخل 57357 من 2021، وتم تشخيصه بالإصابة بسرطان الدم..

بطلنا كيرلس، عنده 11 سنة، من سمالوط،محافظة المنيا، دخل 57357 من 2021، وتم تشخيصه بالإصابة بسرطان الدم، بدأ علاجه،وتم إجراء عملية تثبيت مفصل الفخذ، واستمر فى تلقى العلاج، والأربعاء الماضى، كانت آخر جرعة تلقاها كيرلس، وبيستعد لإجراء فحوصات، ليقرر بعدها طبيبه الاستشارى/ دكتور هشام منيب، متى سيبدأ مرحلة المتابعة.

تقول والدة كيرلس:”كيرلس فى أول التعب كان عنده ألم وسخونة ووجع فى عضم كل جسمه، الدكتور قال لى روحى 57357،جيت المستشفى، وأنا حاسة أنه راح منى خلاص، لكن د. هشام منيب ربنا يكرمه، فهمنى أن كيرلس من دلوقتى بقى ابن للمستشفى كلها،وهايتعمله كل اللازم وما أقلقش، والحمد لله ابنى من ساعة مادخل 57357 ماقلش كلمة آه، وكل يوم بيبقى أحسن من الأول،المستشفى مش بس واقفين مع ابنى فى علاجه، وكمان عاملين لنا مواصلات من المترو للمستشفى ودار ضيافةأكل وشرب واهتمام أنا عمرى ما شفت كدا، اللى بيعملوه فى 57357،حاجة عظيمة مايحسش بيها غير أم ابنها، كان بيموت ودلوقتى شايفاه بيلعب حواليها، المستشفى بتراعى ولادنا رعاية احنا مانقدرش عليها، وياريت الناس كلها تتبرع، لأن دا مكان بينقذ أرواح ولادنا،
57357 غيرت حياتى، أنا وولادى، أنا عندى بنتى الكبيرة ممرضة،اتخصصت أورام، وابنى الأصغر طالب فى طب،اتخصص أورام دا بعد اللى شافوه من المستشفى فى علاج أخوهم، وحتى كيرلس بقى نفسه يبقى دكتور فى 57357 لما يكبر.

كيرلس وزيه كتير من أطفال 57357 بيتعالجوا من سرطان الدم بيحققوا حلم الشفاء بفضل ربنا وتبرعاتكم، دعمك ليهم بيفتح أبواب الأمل لأحلامهم إنهم راجعين لحياتهم من تانى زى باقى الأطفال.