محمد “خمس سنين وأربع شهور” واحد من أبطال 57357 من محافظة الشرقية دخل المستشفى مع نهاية 2019 حيث تم تشخيص إصابته بسرطان الدم.
يقول والد محمد: إبنى دخل المستشفى فاقد القدرة على المشى تماما قابلنا د. عماد موسى قال عنده لوكيميا ولكن الأمل فى ربنا دايماً كبير وأن شاء الله هايتحسن ويتغلب على المرض وبدأنا جرعات الكيماوى 19 إسبوع منهم أربعة أسابيع فى مستشفى 57357 طنطا، وبعد الجرعات وجدت محمد بدأ يتحرك ويعود لطبيعته وبدأت ضحكته ترجع تانى.
يضيف والد محمد أنا دخلت 57357 قبل مرض محمد كنت باتبرع بالدم لإنقاذ حياة ابن صديقى وزرت المكان أكتر من مرة ورأيت الاهتمام بالأطفال، و يشاء القدر أنى أدخل بإبنى ويتعالج فيها، والخير اللى عملته رجع لى فى أحسن رعاية وعلاج وبالمجان لابنى، هذه المستشفى طوق نجاة أنقذ حياة أسرتى كلها، أنا أعمل نقاشا ولا أعرف كيف كنت سأعالج ابنى بدون وجود هذا المستشفى ، المعاملة والرعاية اللى وجدناها هنا أكتر بكتير من اللى بنشوفه فى الاعلانات، ناس بتتعامل بإنسانية حاسين بألم الأطفال وبيعالجوهم أحسن علاج، باقول لكل واحد بيتبرع اوعى توقف الخير حتى لو كان جنيه ممكن يكون سبب فى انقاذ حياة طفل زى ابنى محمد .
حلم محمد: وبسؤال محمد عن أحلامه قال: ”نفسى أطلع سواق مترو”، وقال: بحب المستشفى هنا لكن الدوا بيوجعنى بس بحبهم علشان بيضحكونى، وبحب العب فى الجنينة مع أصحابى.
بتبرعك لـ57357 أطفال كتير من أسر بسيطة بيتعالجوا أحسن علاج وبالمجان وأملهم فى الشفا بيكبر لأنك جنبهم.