بطلتنا ملك، عمرها 8 سنوات، من القاهرة، دخلت المستشفى لأول مرة فى 2019، كانت تعانى ألما شديدا فى بطنها، وامتنعت عن الأكل، وبعد زيارة عدد من الأطباء، وعمل أشعات،اكتشفوا ورمًا سرطانيًا فى الكلى.
تقول والدتها: “أشارت عمة زوجى علينا بالذهاب فورًا لـ57357، كنت خايفة فى الأول وفاكراها بالواسطة، لكن لقيناهم اهتموا بينا جدًا، ودخلنا، وبنتى أخدت أفضل رعاية من الأطباء والتمريض،. وكل الناس اللى هناك، ود. أحمد الحسينى، كان دايمًا بيفهمنا حالة ملك، وكانت عملية استئصال الكلية هى الحل السريع اللى اتعمل لها والحمد لله، تم الاستئصال وملك اتحسنت،. وكانت تحاليل متابعتها كويسة جدًا، ولكن شاء ربنا أن المرض يرد عليها تانى السنة دى فى النخاع، وتدخل ملك تانى المستشفى، ودلوقتى بتاخد كيماوى، لأنها بتستعد لعمل زرع نخاع ذاتى“.
اتكلمنا مع ملك عن أحلامها، وقالت: “نفسى أطلع رسامة كبيرة، أنا بحب الرسم والتلوين قوى وبحب الورشة ومس أمانى وسمر أصحابى .. أنا استحملت العلاج اللى بيوجعنى علشان عندى أمل أخف تانى زى المرة الأولى، وأبقى كويسة ادعولى ربنا يشفينى، وأحقق أحلامى .. دعواتنا لملك ولكل أطفال 57357 ربنا يشفيهم“.
آلاف الأطفال فى 57357 بيتلقوا أحسن رعاية وعلاج، وبنبذل كل جهدنا عشان يحققوا حلم الشفاء، ودايمًا بيكون الأمل هو أساس أى رحلة علاج بنبدأها مع أى طفل، والحمد لله بينتصروا على المرض وبيشفوا .. ودا بيكون بفضل ربنا ووقفتك جنبهم .. خليك سبب فى الخير والشفاء لطفل فى 57357 وامنحه الأمل فى حياة جديدة بتبرعك.