كل عام وأنتم بخير .. ٥٧٣٥٧ تحرص على توفير افضل رعاية لاطفالها .. وبيئة آمنة للعاملين

    كل عيد أضحى وكل شركائنا فى الخير بصحة وسعادة، وفى عيد الأضحى، ومع الظروف الصعبة اللى بنعيشها.

كل عيد أضحى وكل شركائنا فى الخير بصحة وسعادة، وفى عيد الأضحى، ومع الظروف الصعبة اللى بنعيشها، عايزين نأكد إن ٥٧٣٥٧ مش بس بتهتم بولادها وبتقدم لهم أعلى مستوى من جودة الرعاية الصحية، لكن كمان بتهتم بكل العاملين اللى بيراعوا ولادها وبتوفر لهم البيئة المناسبة علشان حمايتهم، وعلشان يقدروا يواصلوا رسالتهم ويقدموا افضل رعاية صحية لكل طفل.

رغم كل الظروف الصعبة وضعف التبرعات، على مدى اكتر من ٦ شهور، قدرنا والحمد لله نحمى ولادنا ونحمى كل العاملين بالمستشفى ونحافظ فى نفس الوقت على مستوى الجودة والاداء .

ولأننا فى ٥٧٣٥٧ بنستعد لكل الأزمات قبل وقوعها ، وبنطبق بروتوكولات وخطط استباقية تراعى كل الظروف والاحتمالات ، كنا حريصين من اول يوم على تطبيق كل الاجراءات الاحترازية الدقيقة وكل المعايير العالمية ، اللى تضمن الحفاظ على مستوى الاداء وحماية ولادنا وجميع العاملين، وتلبية كل احتياجات العمل رغم كل الظروف، ورغم ارتفاع التكلفة.

وبفضل الله ومساندتكم قدرنا رغم الظروف الصعبة ، نستمر فى رعاية أطفالنا بمنتهى الجودة، وقدرنا نستمر فى التطوير والتجديد وتوفير احدث الاجهزة فى كل الأقسام وبفضل الله ومساندتكم ، هنقدر نكمل مشروعاتنا الجديدة اللى هتقضى على قوائم الانتظار وتساهم فى علاج اكبر عدد من اطفالنا المرضى.

شكرا على ثقتك فينا ووقفتك جنب ولادنا وحرصك على دعمك لنا فى أصعب الظروف .

وكل عام وأنتم بخير