رسمة وضحكة”.. فى ورشة العلاج بالفن “

الرعاية النفسية مش بس بتسعد الأطفال.. لكن كمان بتنعكس على استجابتهم للعلاج..
وفى ورشة العلاج بالفن .. هتشوف مكان جميل كله بهجة وزينة وألوان..
هتقابل أطفال سعداء.. بيرسموا لوحات.. ويصمموا مشغولات فنية.. زى بسنت
وسيف ويوسف وفريدة ..وأطفال غيرهم كتير..
هتشوف حب وعطاء حقيقى.. من شباب متطوعين ومن فنانين كبار..متبرعين بوقتهم وجهدهم..
هتشوف..
هتشوف مواهب فنية ظهرت فى الورشة ..واتبنتها المستشفى ونظمت لهم معارض
حضرها فنانين كبار وشخصيات عامة ..شجعوا الأطفال ..واشتروا اللوحات.
أنشطة الورشة بتسعد الأطفال وبتهوّن عليهم فترة العلاج الطويلة..
ومعظم الأطفال بيرتبطوا بالورشة حتى بعد الشفاء..
بسنت كانت حزينة لما بدأ شعرها يقع..
لكن لما راحت ورشة العلاج بالفن نسيت الألم وانشغلت بالفرشة
والألوان..واتعلمت تعمل طواقى كروشيه لأصحابها فى المستشفى..
بسنت خفت لكن لسة مرتبطة بالورشة ..ولسة بتعمل طواقى جميلة وتهديها
للأطفال اللى لسة بيتعالجوا
الرعاية النفسية مهمة لمريض السرطان ..وخاصة الأطفال ..
والدعم النفسى جزء اساسى من رحلة العلاج والشفاء