“ابنى أحمد أغلى حاجة عندى ، من صغره هادى وعاقل، وكل الناس فى قرية البستان بالبحيرة ، بتحبه، وتسأل عنه، لدرجة إنى باحس إن أنا اللى عايش فى الدنيا بحسّه.”.
-“احمد عنده ٦ سنين، ربنا اختبرنا فيه، ورضينا بحكمه، من سنتين بدأ يشكى من الصداع والزغللة، الدكتور عندنا فى الدلنجات كتب له فيتامينات،وفعلا اتحسن شهرين ، لكن رجع يشتكى تانى ، رحنا لدكاترة كتير ، لكن الأعراض زادت عليه، وحالته كانت بتسوء، لدرجة أنه كان بيصرخ من الصداع ويقع وهو ماشي، وبدأ نظره يضعف جدا..”
-أخدناه لدكتور عيون ، لكن نصحنا نروح لدكتور مخ وأعصاب كبير فى المنوفية..
وكانت صدمتنا كبيرة لما صارحنا دكتور المخ والأعصاب إن أحمد عنده ورم فى المخ، ولابد من جراحة فى أسرع وقت ، ونصحنا نروح فورا مستشفى 57357،لأنه أفضل مكان بيعالج الحالات دى ..
-خرجنا من عند الدكتور الساعة ٢ الفجر ، إلى القاهرة فورا، ووقفنا أمام 57357
من الساعة ٦ الصبح، لكن للأسف عرفنا أن
أحمد مش هينفع يدخل فى نفس اليوم، علشان فيه أطفال قبله فى قايمة الانتظار، وكلهم حالاتهم خطيرة زي ابننا ، وقالوا لنا إنهم ممكن يحجزوا لنا فورا فى مستشفى تانى،
لكن بعدما وافقنا ،فوجئنا بأحمد يرفض ويبكى ويقول أنه مش هيدخل غير 57357، لأنه عارفها وبيحبها من الإعلانات..
– وفعلا رجعنا تانى يوم لمستشفى 57357، وقررنا انتظار الدور، ودعينا ربنا يكرمنا ويقبلوه بسرعة، وفعلا خلال 3 أيام اتصلوا بنا ودخلنا المستشفى فى أكتوبر 2022 ، وبمجرد دخوله تمت كل الإجراءات والفحوص بسرعة، وعرفنا أن علاجه هيستمر وقت طويل ، وإن مراحل العلاج مختلفة، كنا خايفين يكون فيه تكاليف، خاصة أن المستشفى على أعلى مستوى، لكن حمدنا ربنا لما عرفنا أن كل العلاج والإقامة والأدوية والأكل مجانى تماما ..
-وبدأ أحمد العلاج بجراحة استئصال الورم ، بنجاح والحمد لله ، وبدأ يتحسن ويتحرك، ثم بدأنا مرحلة العلاج الإشعاعى، لمدة 31 جلسة ، وخلال فترة المتابعة اكتشف الأطباء ظهور كيس مياه جديد فى المخ، وقرروا جراحة جديدة لتركيب جهاز شفط ، وتمت الجراحة الأسبوع الماضى وقضى أسبوعا فى الرعاية ، والحمد لله خرج من الرعاية وبدأ يتعافى..
-ويضيف الأب: الحمد لله إن ربنا أكرمنا بمستشفى زى 57357 ، كل العلاج فيها مجانى وعلى أعلى مستوى، فى الامكانيات والخبرة والنظافة ، وكفاءة الدكاترة والصيادلة والتمريض ومعاملتهم للأطفال كأنهم ولادهم،
رحلة علاج ابنى أحمد لسة مانتهتش،لكن الحمد لله حالته اتحسنت ، ونفسيته كمان، وكل اللى أتمناه إن ربنا يتمم شفاه ، ويرجع يملا الدنيا علينا ، وعلى قرية البستان اللى كل أهلها بيعتبروه ابنهم،وباحكى لهم عن المستشفى ، وبيتابعوا كل أخباره وبيدعو له، وبيدعو للمستشفى ولكل أطفال 57357 ، من قلوبهم “
تشخيص حالة أحمد (ورم قحفى بلعومى ).
craniopharyngioma
وتكلفة علاج هذه الحالات تصل حاليا إلى
240 الف جنيه
– رحلة علاج أورام المخ طويلة وصعبة..
وبمشاركتك فى تكلفة علاج طفل من مرضى اورام المخ ، أو بجزء من تكلفة علاجه، هتساهم فى إنقاذ حياته
” ومن أحياها فكأنما أحيا
الناس جميعا”