كريم وعمر شقيقان جمعهما المرض والعلاج فى 57357

    كريم وعمر اخوات جمعهم المرض والعلاج فى مستشفى 57357 .. كريم بيتعالج من سرطان فى العضم وعمر سرطان فى الغدد الليمفاوية.

كريم وعمر اخوات جمعهم المرض والعلاج فى مستشفى 57357 .. كريم بيتعالج من سرطان فى العضم وعمر سرطان فى الغدد الليفماوية

الأم : فى نهاية 2017 بدأ  كريم يشتكى من آلم فى رجله فى الوقت ده عمره كان 7 سنين ، لفينا على دكاترة كتير وبعد أشعة وفحوصات اكتشفنا ان عنده سرطان فى العضم، الدكاترة نصحونا نروح مستشفى 57357 ..

نزلنا من الشرقية على المستشفى ودخلونا على قايمة الإنتظار.. دخلنا بعدها بيوم..الدكاترة عادوا كل الأشعة والتحاليل، وبدأ كريم علاج كيماوى وبعد ما خلصنا حصل ارتداد للورم فى الرئة وعملنا استئصال للورم وكمل العلاج بعد العملية..

وبعد  مرور 8 شهور على علاج كريم  اكتشفت جزء وارم فى رجل اخوه الصغير  “عمر” ، فى الوقت ده كان عنده 5 سنين جريت على المستشفى فى بلبيس ، الدكتور طلب أشعة وفحوصات وبعد ظهورها اكتشفنا ان فيه خلايا مش طبيعية ونصحني اعرضه على الدكتور اللى بيعالج اخوه فى 57357 ،

وبعد ما عرضته على الدكتور وعملنا عينه للورم اتأكدنا ان عنده سرطان فى الغدد و بدأ عمر كمان علاجه فى 57357

علاج ولادى بيتكلف كتير  ، لكن الحمد لله مستشفى 57357 شالت عننا كل حاجة،العلاج فى المستشفى  وكل حاجة بالمجان مدفعناش ولا جنيه، ربنا يزيد المستشفى علشان يقدروا على علاج كريم وعمر وكل الأطفال