“تيا” بطلتنا عندها 3 سنوات، دخلت مستشفى 57357 فى أغسطس 2023،وتم تشخيصها بالإصابة بورم على الغدة الكظرية فوق الكلى، كانت بطلتنا تعانى من ارتفاع حاد فى درجة الحرارة، و فقدان القدرة على الحركة، وتنزف من الفم و الأنف، وفور دخولها تم إسعافها، وبدأت فى العلاج الكيماوى،حيث تلقت 6 جلسات بعدها أجرت عملية لاستئصال الورم، ثم تلقت 3 جرعات بعد العملية، و تنتظر تلقى الجرعة الرابعة رابع يوم رمضان، ولكن تحاليل المتابعة، أثبتت انتشار المرض فى النخاع و العظم والغدد الليمفاوية، وبالأمس تم عمل أشعات وبذل لبطلتنا استعدادًا لعمل زرع النخاع الذاتى لإنقاذ حياتها .
“تيا”، بطلة، تتحمل ألام المرض وصعوبة العلاج، ولا تزال ضحكتها الجميلة مرسومة على وجهها، واحتفالًا بقدوم شهر رمضان ، احتضنت تيا 3 فوانيس جميلة أهداها إياها ضيوف المستشفى فى زياراتهم لمشاركة أطفالنا فرحتهم بقدوم الشهر المعظم .
تقول والدة “تيا”: “أنا مهما شكرت المستشفى ، وكل الناس اللى بيساعدوا ولادنا بتبرعاتهم ، مش هلاقى كلام يوفيهم حقهم،
تيا هيا بنتى الوحيدة، وكنت يائسة من إنى أشوفها بتتحسن وقلبى كان بيتقطع وأنا بشوفها بتتألم قبل ما ندخل 57357،
مكنتش مصدقة نفسى لما لقيتها بعد أول جرعة كيماوى بتتحسن ، وبدأت تلعب وتمشى تانى على رجلها، ورجعت شقاوتها تانى رغم حالتها الصعبة، سبحان الله دلوقتى دايمًا فرحانة وبتضحك..المستشفى رجعتلى الأمل فى شفائها، وأملى فى ربنا كبير طول ما فيه ناس زى اللى موجودين فى 57357 دكاترة وممرضين وحتى عمال النظافة، ادعوا لتيا ربنا يتمم شفاها، ويشفى كل أطفال المستشفى، ويشفى كل مريض.
دعمك وتبرعك بصدقة جارية لتيا وأطفال كتير فى نفس حالتها فى 57357 هيساعدنا نزود عدد غرف زرع النخاع من 9 إلى 27 غرفة، ويتولد أمل جديد لأطفال أكتر فى الشفاء من السرطان.