حمزة
التكلُفة EGP 500000
إجمالي المُتَبَرع به جنية 89752
%

يمكنك ان تساهم في علاج طفل مريض بالسرطان

والدة “حمزة ” :

ابنى من ذوى الاحتياجات الخاصة، و٥٧٣٥٧ أنقذته من السرطان وكورونا 

“حوشت” ٥٠ جنيه من مصروف البيت وتبرعت بها  للمستشفى

……

بطلنا “حمزة”، ٤ سنوات،  بيواجه حروب كتيرة ،من يوم خروجه للدنيا، لكن أهله راضيين،و عندهم أمل كبير فى الشفاء.

 حمزة ولد مصابا بمتلازمة داون، يعنى طفل من ذوى الاحتياجات الخاصة، وفى سن ٣ سنين هاجمه مرض سرطان الدم، ومن ٦ شهور ، هاجمه كمان فيروس كورونا، لكن حمزة وكل ولادنا فى ٥٧٣٥٧ ،  مسئوليتنا من يوم ما دخلوا المستشفى، ومهما كانت حالتهم وظروفهم.لأن  مستشفى ٥٧٣٥٧ يؤمن بحق كل مريض فى الحصول على اقصى درجات بجودة وعدالة.

تقول الأم شيماء:

“حمزة” أصغر أبنائي الأربعة ، ورغم مرضه كنا بنلاحظ أنه ذكى ويبفهم بسرعة،وبيحب الضحك واللعب، علشان كدة بنعتبره “فاكهة البيت” ، وقررنا رغم امكانياتنا الضعيفة نوفر له دروس تخاطب علشان يقدر يتكلم ويتعلم ويعتمد على نفسه ،

لكن من حوالى سنة، لاحظت أن أحواله مش طبيعية، بطنه بتتنفخ وبيتألم، ويصرخ ، جريت به على مستشفى الدمرداش، وهناك اكتشفوا ان عنده لوكيميا ، ماكنتش عارفة أعمل إيه، لكن كل أهلنا وأصحابنا نصحونا نروح ٥٧٣٥٧ ، وفعلا أخذنا دورنا، وبعدين اتحجز وبدأ العلاج فورا.

 كنت خايفة عليه علشان ظروفه، لكن اكتشفت انهم فى المستشفى  عندهم خبرة كبيرة فى التعامل مع ذوى الاحتياجات الخاصة، 

العلاج بدأ ب ٤ جرعات كيماوى كل جرعة ٥ أيام ، وبعدها بدأنا مرحلة تانية فى العلاج، حقن فى الظهر وأقراص ، وبدأ حمزة يتحسن جدا، لكن من حوالى ٦ شهور أصيب بفيروس كورونا، اتصورت أنه هيتعالج فى مكان تانى، لكن فوجئت إن ٥٧٣٥٧ بتعالج أطفالها اللى جالهم كورونا، وفعلا اتحجز “حمزة” فى العزل، واتعالج من كورونا، ورجع بعدها لعلاج السرطان،  وكل ده مجانا من غير ما أدفع ولا مليم.

فكرت أعمل حاجة أرد بها الجميل للمكان ده، ورغم ظروفنا الصعبة، حوشت مبلغ خمسين جنيه من مصروف البيت، وتبرعت به، وكنت مكسوفة جدا لأنه مبلغ صغير، لكن الموظفين قالوا لى إن المبلغ مهما كان صغير هيساعدنا فى توفير العلاج.

مرت سنة على علاج “حمزة”، و د.مريم الشريف قالت لى ان العلاج مدته  ٣ سنين ،   يعنى لسة سنتين علشان يخلص علاجه، لكن املنا فى ربنا كبير

“حمزة” لسة بيحارب السرطان ، ومحتاج دعمك ومساندتك وأهله كمان صابرين وراضيين ، وبيحلموا بالشفاء، 

 تبرعك مهما كان صغيرا سيحمل الخير والبركة، وسيساهم فى إنقاذ طفل وإسعاد أسرته، ويمنحهم الأمل فى الحياه    

تكلفة علاج حمزة  من سرطان الدم حتى الآن: 500,000 جنيه

  • الحملة: campaign
  • نوع الحملة: patient_code
  • الأسم: حمزة
  • التكلفة: 500000
  • العنوان: مصر
  • الحالة: non_donated
  • المتبرعون: See who are Donated

انضم إلينا

سيكون لديك حساب على موقعنا إذا كنت