الرجوع الى صفحة التبرعات

حضر أحمد، 6 سنوات من دمياط الجديدة،  مع والدته ووالده فى يناير 2022 إلى مستشفى 57357 فى حالة إعياء شديدة، وارتفاع حاد فى درجة الحرارة وكرات الدم البيضاء، تم الكشف عليه ودخل فى دوره، وأثبتت التحاليل بالمستشفى، أنه مصاب بسرطان الدم، الدكتور هشام منيب، استشارى أورام الأطفال فى 57357، هو المعالج لأحمد، أقر له فورًا البدء بجرعات الكيماوى للسيطرة على المرض، أحمد تلقى الجرعة الأولى والثانية، وهو الآن يستعد لتلقى الجرعة الثالثة، ولكنه الآن فى المستشفى، نظرًا لانخفاض مناعته، وبعد التحسن سيتلقى جرعته الثالثة.

تقول والدة أحمد: “ماكنتش أعرف عن 57357 حاجة غير من الإعلانات، ولكن لما أحمد تعب نصحنى الدكتور، وكل اللى حواليا، أن اتوجه به فورًالـ57357، قالوا لى إنها أحسن مستشفى تعالج ابنك، ماكنتش متخيلة اللى شوفته، كنت فاكرة الإعلانات فيها مبالغة، لكن اللى شوفته ما يجيش واحد فى المية من الحقيقة، نظافة واهتمام ورعاية وكل حاجة حلوة، ويكفى إنى أقول إنى كنت داخلة بابنى فى حالة رعب ويأس، وبمجرد ما قابلنا دكتور هشام ربنا يباركله وكلمنا عن طبيعة حالة أحمد بهدوء واعطانا الامل ،وقال  ان العلاج هايستغرق 3 سنين، وهانبدأ فورًا وطمن قلبنا، وقال أحمد هايتعالج أحسن علاج، وكل حاجة بإيد ربنا، وما تقلقوش نسبة الشفاء مطمئنة جدًا جدًافى الحالات اللى زيه، ساعتها حسيناإن روحنا رجعت وأنا ووالده، سلمنا أمرنا لله وإحنا مطمئنين”.

وتضيف والدة أحمد: “ابنى كان قبل التعب انطوائى، تعالوا شوفوه دلوقتى بقى مصاحب الناس كلها خاصة  ميس شروق حبيبته وبقى بيحب يروح الورشة، ويلعب ويلون فيها، 57357 مش بس بتعالجه من المرض، لكن غيروا فى نفسيته، دا بقى واحد تانى،وبيقولى أنا نفسى أخف، وأطلع طيار يا ماما، لو الناس تيجى وتشوف اللى بيعملوه فى 57357 علشان ولادنا هايعرفوا إن كل قرش بيتبرعوا به فعلًا بيروح فى مكانه، وأن المكان دا فعلًا أحق مكان الواحد يتبرع له”.

أحمد لسه قدامه سنتين ونصف فى مشوار علاجه وزيه كتير أطفال فى 57357 المصابين بسرطان الدم بيتحدوا المرض ومنتظرين بأمل يخلصوا مشوار علاجهم وينتصروا على السرطان، دعمك هو الأمل الوحيد لهم علشان يحققوا حلمهم فى الشفاء من السرطان