الرجوع الى صفحة التبرعات

إسلام أحد أبطال مستشفى 57357، من العياط، محافظة الجيزة، عمره 11 عامًا، دخل المستشفى فى شهر سبتمبر 2021، يُعانى من ألم بالظهر، ولا يستطيع المشى، تم تشخيصه بوجود ورم على سلسلة الظهر ضاغط على الحبل الشوكى، وتم عمل عملية استئصال للورم، وتقرر له 30 جلسة علاج إشعاعى، ومازال   يتلقاها حتى الآن، ابتسامته لا تُفارق وجهه بأمل أن  يعود مرة أخرى للوقوف على قدميه بإذن الله.

والد إسلام: “أنا وزوجتى ناس على قد حالنا، ومرض إسلام كان صدمة لينا، ولكن مستشفى 57357، ردت لنا الروح إحنا بندعى لكل الناس اللى فيها والناس اللى بتتبرع لها ربنا يكرمهم، كنا هانروح فين بإسلام، ومين كان هايتحمل عننا تكاليف علاجه، قلبنا بيرتاح يوم عن يوم لما بنشوف إسلام بيتحسن،والدكتور أحمد إبراهيم، طمنا أنه هايتحسن أكتر، ويرجع يمشى بإذن الله، المستشفى دى نعمة من ربنا ، بتعالج ابننا أحسن علاج من غير ما ندفع أى فلوس، وبيراعوا ربنا فى رعايته”.

إسلام: “أنا فى سنة خامسة ابتدائى، وشاطر فى المدرسة الحمدلله، ونفسى أخف وأرجع أمشى من تانى، وأطلع دكتور أطفال لما أكبر، علشان أعالج الأطفال اللى فى المستشفى هنا وكلهم يخفوا”. أطفالنا فى 57357 أبطال بيتحدوا السرطان بشجاعة وإصرار على تحقيق حلم الشفاء،بدعمكم إسلام هايقف من تانى، ويمشى ويعيش حياته زى كل الأطفال، هو وكثير فى نفس حالته فى 57357 بيكملوا علاجهم وبيحلموا بالشفاء .