الرجوع الى صفحة التبرعات

أطفالنا فى 57357، أبطال باختلاف قصص كفاحهم ضد السرطان، بطلتنا “ليالى”، عندها 7 سنوات، من محافظة الشرقية، تتحدى ورم فى المخ، تسبب فى ضمور عصب العين اليمنى، ما أثر على الرؤية بها بنسبة 90%، دخلت “ليالى”المستشفى فى سبتمبر 2021، وبعد عمل الأشعات والتحاليل، والكشف على العين والمخ والغدد، وعمل عيادة مجمعة، لإقرار العلاج المناسب لحالتها، تقرر عدم إجراء جراحة لإزالة الورم بالمخ، لوجوده فى مكان حساس عند عصب العين، وبدأت “ليالى” العلاج الكيماوى لإنقاذ حياتها وللحفاظ على الرؤية فى العين الأخرى، وبعد أول 8 جلسات، تم عمل أشعات المتابعة التى أثبتت استقرار حالتها، وثبات حجم الورم، وهو ما يُبشر بالخير، وأفاد طبيب “ليالى”المعالج الاستشارى د/ أسامة الرفاعى، بأن رحلة علاج “ليالى” ستستمر عامًا ونصف العام، والأمل كبير فى تحسن أكثر فى حالتها، واستقرارها بإذن الله .

ليالى: “أنا بحب 57357 علشان عندى أصحاب كتير فيها، خصوصًا دكتور أسامة، دايمًا بيضحك فى وشى، وبيتكلم معايا لما باكون تعبانة، ونفسى أخف، ولما أكبر اتمنى أطلع زيه دكتورة أورام، وأعالج كل أصحابى اللى فى المستشفى. الفانوس اللى جابتهولى ماما أجمل حاجة فى رمضان ، أنا باصوم فى رمضان، بس السنة دى مش قادرة علشان العلاج ادعولى ربنا يشفينى”.

والجدير بالذكر أن أورام المخ الصلبة هى ثانى أكثر أنواع الأورام شيوعًا لدى الأطفال بعد أورام الدم، ويُعد مستشفى 57357 من أكبر المراكز على مستوى العالم فى علاج وجراحة أورام المخ للأطفال، وبدعمكم هاتستمر المستشفى فى تقديم أفضل رعاية وعلاج بالمجان لبطلتنا “ليالى” ولأطفال كتير زيها بيتعالجوا من أورام المخ فى 57357.