الرجوع الى صفحة التبرعات

“هنا” بطلة 57357 فى انتظار زرع النخاع  بتحلم بالشفاء وبتتمنى تطلع دكتورة أسنان

بطلتنا “هنا”، عمرها 8 سنوات، دخلت 57357 من سنتين، وتم تشخيصها بالإصابة بورم فى الغدة الكظرية بالكلى، تلقت “هنا” جرعات كيماوى مكثفة فور دخولها المستشفى قبل إجراء العملية، وتم إجراء عملية استئصال لجزء من الورم، وجزء من الأمعاء، حيث أصيبت بإنسداد معوى، ما اضطر الأطباء لاستئصال جزء من الأمعاء  خلال عملية استئصال الورم، وبعد العملية بدأت “هنا” فى تلقى جرعات الكيماوى مرة أخرى، حيث تلقت 4 جرعات وباقى جرعتان، وقرر الأطباء إجراء زرع نخاع ذاتى لها، ومؤخرًا اكتشف الأطباء إصابتها بضعف فى عضلة القلب.

و رغم كل هذه التحديات، فإن بطلتنا “هنا” دائمًا مبتسمة، وتمارس أنشطتها بمنتهى النشاط، وبتحب الرسم و فى قلبها حلم جميل لما تكبر تبقى دكتورة أسنان فى 57357، وتعالج الأطفال، وفى المستشفى”هنا” لها أصحاب كتير، ومن أحب أصحابها لقلبها د. سهى، الطبيبة المعالجة لبطلتنا،  لأنها وكما قالت “هنا” حنينة قوى وبتطمنى دايمًا،  وهذه الأيام تستعد بطلتنا لقدوم شهر رمضان بتحويش مصروفها لشراء فوانيس صغيرة، تهديها لأصدقائها من أطفال المستشفى، خاصة أصحابها من ورشة العلاج بالفن،  تقول”هنا” أنا بحب إعلانات المستشفى قوى خاصة إعلان “عم ظاظا”، ونفسى  أعمل إعلان للمستشفى أقول فيه كل الحاجات الجميلة اللى اتعلمتها فى  57357 من أول لما دخلت.

تقول والدة هنا: كنت بشوف إعلانات المستشفى مكنتش متخيلة إنى هادخلها ببنتى الوحيدة، ولكن لما دخلت مكانش عندى أمل فى شفائها، ولكن دكتورة سهى، ربنا يكرمها، أدتنى الأمل وبتتابع حالتها كأنها بنتها، وكل الدكاترة والممرضين واللى مسئولين عن النظافة، كلهم بيعاملوا الأطفال، وبيعاملونا أحسن معاملة، وبنتى و الحمد لله بتتعالج وبتتحسن، والمستشفى بترعاها بأحسن رعاية، و بيعملوا لها كل اللازم علشان علاجها، أنا بحمد ربنا إن فيه مكان زى 57357 بالناس اللى فيه بيعالج بنتى، ربنا يكرمهم ويجازى كل اللى بيتبرعوا علشان ولادنا تخف بكلخير .

بطلتنا”هنا”  وكتير زيها فى 57357 بيتحدوا المرض فى رحلة علاجهم الصعبة، ولكن بدعمكم أصبح عندهم أمل فى الشفاء، وتحقيق أحلامهم لما يكبروا، ربنا يشفيكى يا هنا، ويشفى كل أطفال 57357