فى 57357 مصر بتتجمع وولادها بيشاركوا أطفالنا فرحة قدوم شهر رمضان

أبطالنا من الجيش و الشرطة مع طلبة المدارس وشباب الكنائس و نيافة الأنبا بولس سرور و الشيخ عمرو الوردانى شاركوا فى تزيين المستشفى بزينة رمضان

مع اقتراب حلول شهر رمضان شهر الخير و الرحمة هاتشوف فى 57357 مصر الجميلة بولادها الجدعان المخلصين و الكل بيتجمع لإدخال الفرحة على قلوب أطفالنا , المستشفى بيستقبل زيارات من كل ولاد مصر لمشاركة أطفالنا فرحتهم بقدوم الشهر المبارك و اليوم استقبل المستشفى وفوداً من قيادات و طلاب الكلية الجوية و معهد فنى القوات المسلحة و كلية طب القوات المسلحة و كلية الشرطة و مجموعات من طلاب مدرسة مصر الحديثة 2000MSE و طلاب مدارس النيل بالعبور وطلاب مدرسة كيمبردج كما شرفنا بالحضور أيضاً نيافة الأنبا بولس سرور و شباب كنيسة العذراء مريم و كنيسة مارى جرجس عزبة النخل و فضيلة الشيخ عمرو الوردانى أمين الفتوى ومدير إدارة التدريب بدار الإفتاء المصرية و قد استقبلهم أطفالنا بالورود و رحب بهم ا.د المدير التنفيذى لمجموعة 57357 مديرعام المستشفى و لفيف من قيادات المستشفى.

وفى جو ملئ بالسعادة و البهجة كان أبطالنا من الجيش و الشرطة كعادتهم أول من يقوم بتزيين المستشفى بزينة رمضان إستعداداً لقدم الشهر المبارك لإسعاد أطفال المستشفى و قد شاركهم طلاب المدارس و نيافة الأنبا بولس و الشيخ عمرو الوردانى كلهم جنباً الى جنب لإدخال البهجة على قلوب الأطفال المرضى و ذويهم , و كما شهد أبطال جيش مصر و شرطتها العام الماضى بدايات العمل فى توسعاتنا الجديدة قاموا اليوم بزيارة لأرض التوسعات و قد أقترب الحلم الجديد من التحقق بدعمهم و دعم كل ولاد مصر و أهلها الطيبين.

لما تزور 57357 مش بس هاتزور أطفالنا و لكنك هاتزورمصر و زى ما اتوحدت جهود كل المصريين و بنوا 57357 و لسه بيدعموها علشان نكمل حلم التوسعات الجديد , النهاردة و مع قرب حلول شهر رمضان كل القلوب بتتوحد علشان تفرح أطفالنا و تزين المستشفى بزينة رمضان منتظرين معانا قدوم شهر الخير و البركة أعاده الله علينا جميعاً بالخير و اليمن و البركات