الرجوع الى صفحة التبرعات

سلوى، بطلة جميلة، وقوية من بنى سويف، عندها 8 سنوات، البنت الوحيدة لأربعة إخوة أولاد، عندما كان عمرها 5 سنوات، أصيبت بسرطان فى عظم الحوض والأعصاب، وانتصرت عليه بفضل الله، ولكن فى سبتمبر 2020 عاد المرض مرة أخرى لسلوى، ليصيبها فى الغدد الليمفاوية والرقبة، لتبدأ بطلتنا رحلة جديدة من التحدى، أقر لها الطبيب المعالج الاستشارى د. عمر شوقى  12 جرعة كيماوى و 35 جرعة إشعاعى، نظرًا لعودة المرض بشراسة أكبر من المرة السابقة، وبالرغم من ذلك سلوى بتواجه المرض بمنتهى القوة وبأمل كبير وإصرار على الشفاء بإذن الله.

تقول سلوى: “لما أصبت بالسرطان أول مرة كنت خايفة أموت، لكن كل مرة باخد العلاج وباتحسن كنت بانسى الخوف والوجع وبقى عندى أمل فى الشفاء، ولما انتصرت على السرطان أول مرة كنت فرحانة قوى، وأخدت درس أنى لازم أبقى شجاعة علشان أهزم أى حاجة بتخوفنى حتى لو كان السرطان، علشان كدا لما تعبت تانى والسرطان رجع  المرة دى كنت أقوى، واتعلمت إنى ما أعيطش علشان ربنا أكيد سامع دعائى، وعندى أمل كبير إنى هاشفى بإذن الله، علشان كدا مش باتعِب ماما خالص فى موضوع العلاج باكون دايمًا أول واحدة تدخل تركب الكانيولا من غير عياط، ولما باخد جلسة الإشعاع بادخل على طول أقيس وزن وطول لوحدى، وأدخل على الجلسة مش خايفة لأن دكتورة إنجى هناك صاحبتى قوى وبتحبنى جدا وبتطمنى.. إدعولى ربنا يشفينى أنا وكل أصحابى اللى فى 57357، وإن شاء الله اكبر وأحقق حلمى وأبقى دكتورة أسنان واشتغل هنا فى 57357”.

بمساعدتكم سلوى وأبطال كتير زيها فى مستشفى 57357 هايكملوا التحدى وينتصروا على السرطان.. وبدعمكم مستشفى 57357 هاتكمل رسالتها وتعالج أطفالنا مرضى السرطان بأفضل رعاية وعلاج وبالمجان.

تكلفة علاج سلوى من سرطان الغدد الليمفاوية حتى الآن: 300,000 جنيه